Hmm, tschuldigung, dass ich das jetzt wieder ausgrabe, aber das hab ich gestern in unserer Zeitung gefunden:
RATSCH ECK'N
Grüaß Gott, liabe Leserinnen und Leser!
Haben sie das Spektakel vo da Weltmeisterschaft im "Extrembügeln" aa verfolgt? Ma woaß ja, das heit nur noch Rekorde zähl'n im Lebn, aber so wos verruckts hob i ja no nie gehört und geseng. Bügelbrett z'höchst am Berggipfe drobn oder zwischen zwei Felsn und zwischen de Füäß eiklemmt oder mit Hundertzwanzge auf'm Autodach und auf'm galloppierenden Pferdl. Naa, naa, oiso song's doch amoi, wos muss ma denn no oiss macha und erfindn, dass ma "in" is. Mei bessere Ehehälfte hod gmoant, se waar ja scho zfriedn, wenn i mi überhaupt fir a Bügelbrett interessieren tat, des muass ja ned drobn auf der Zugspitz sein, es galangat ja aa bei uns druntn im Keller. I hob ma denkt: "Hätt i ihra bloß´net den Artikel vo dera ganzen Gaudi net vorgles'n, dann het's ma des net scho wieder vorhalten können." Mir glangt des scho wenn i von Zeit zu Zeit zwecks mangelnden Interesse an da Haushaltsführung niederbügelt wer. Jetzt aba "Pfüa Gott" bis nächste Woch.
